р.Дагестан.Буйнакский район.с.Нижнее-Казанище
Меню сайта
Разделы новостей
| Актуальное [29] |
| Поздравления [2] |
| Новости [16] |
| Распоряжения [4] |
Календарь новостей
Поиск
Друзья сайта
Статистика
Онлайн всего: 1
Гостей: 1
Пользователей: 0
Мини-чат
Главная » 2012 Январь 21 » ЭС ТАБЫП, ОЙ КЪУРАЙЫКЪ,
ЭС ТАБЫП, ОЙ КЪУРАЙЫКЪ, | 17:34 |
| Къадиси кеп къартындан Къумукъну чебер тили Сёзю сыйлы алдындан Абусупиянны эли. Къазаныш ата юртум Макътала гелген тезден, Досну аявлап тутуп Душмангъа тюшмей тизден. Берекети бар йимик, Тёлню йимик язлары. Уланлары яр йимик, Гюлню йимик къызлары. Тарихлерде Къазаныш Макътана гелгени гьакъ, Тери булан къазанып Юрюген гьарамдан сакъ. Гьалаллыкъда ёл гёрген, Ёлун къыркъып ялгъанны. Арыгъангъа ял берген, Къолун тартып талгъанны. Ата юртумдан чыкъгъан Тюп болмай бир сама да, Хыйлы кочпны йыкъгъан Багъыр тешлю Мама да. Бир уьстюнлюк къалмагъан Мама кочап етмеген, Тигрны тырнакълары Огъар гьеч кар этмеген. Иранда, Тегеранда, Тартынмай текаран да, Тигрдай йыртып алгъан Кочапланы барын да. Къазанышны ичинде Ял тапгъан дей чечн де. Абусупиянгъа тынглап Маслагьатны ичинде. Мычыгъышда, Шалиде Къан тёгюлюв токътагъан Сан сёгюлюв о сёйлеп Гирип къалгъан нокътагъа. Бугюнлер Мычыгъышда Дав болмас эди бир де Абусупиян йимиклер Къалгъан буса эгер де. Гьар халкъны болар эди Берекети ишини Мажлислени тёрюнде Олтурмалы гишини. Чырмап алып Сибирге Йибермей къойгъан бусакъ. Бирде таркъалмас эди Имандан толгъан къурсакъ. Бир де гьёкюнмес эдик Огъар тынглагъан бусакъ. Бош сёзлеге инанмай Ону танглагъан бусакъ. Беренкетден тыгъылып Толар эди уьюбюз Небиз де болар эди, Болар эди кююбюз. Олайланы аямай, Къолайланы айыплап, Биз болмагъа турабыз Бу дюньяда зайып лап. Найиб Жаммалутдинни Ерлерин пайлай турдукъ, Жинаятчыланы биз Баш этип сайлай турдукъ. Жаммалутдин бий болгъан Мен огъар сый этемен. Юртну тарихин излеп, Бир къартны сёйлетемен. Ол айта : Жаммалутдин Исбайы гиши болгъан. Къазанышны якъламакъ- Мекненли иши болгъан. Гьарамгъа, яманлыкъгъа Басылмагъан аягъы. Рушбатны чайнай туруп Семирмеген яягъы. Бир урчуну тутуп ол Ону яшларын аяп, Огъар къылыкъ ашатып, Ашатмай къойгъан таякъ. Юртундан биревню де Сибирге бакъдырмагъан. Оьзюн уьлгюге салып, Оьзюнден ялкъдырмагъан. Гюллевючлер бир болуп, Сютюр болуп шорпагъа, Жаммалютдюнню мюлкюн Салып къойгъан ортагъа. Къабурда да пакъырны Ял алма къоймагъанлар, Къабурун да хотгъагъан. Малындан тоймагъанлар. Олай мадары барлар, Къотаны-къою барлар, Башларында – халкъына Пайдалы ойлары барлар. Уьйсюз, эшиксиз къалып, Сибирлерде ёкъ болгъан, Шо буса Къазанышгъа Яра салгъан окъ болгъан. Жумагюнлер межитде, Эки сыдыра толгъан. Гьакъыллы охугъанлар, Туснакъларда ёкъ болгъан. Гьалал малын чыгъарып, Орталыкъгъа ташлагъан. Гележегине юртум Къабур къазма башлагъан. Колхоз къургъан, ялгъангъа, Яшамагъа уьй къургъан, Гьакимге ортакъ малын Таламагъа кюй къургъан. Колхозну натижасы Юртумну пакъыр этди. Туварлары тувралды Къою къырылып битди. Колхоз яхшы зат буса Японлар къурар эди Колхоз къургъан японлар Къабуна турар эди. Хонсюню, Хоккайдону, Сикокуну, Кюсюню Гёлеми болмас эди, Картадагъы тюсюню. Халкъдан тыгъылып толгъан Атавлар азар эди, Гьакъыллы япон тез-тез Колхозну тозар эди. Колхозчу мукъ- колхозлар Къабургъа ете бара, Къазанышдай хыйлы юрт Таланып бите бара. Алими кёп Къазаныш Акъсакълай юрюй иши, Экев ябушса тапмай Маслагьат этме гиши. Эсгини эсгик этип Таптап юрюй янгыны, Къазанышлылар гьали Кёп къоллай анангыны. Бирев- биревню бетлей, Тилин ютуп шербетдей. Яхшылыкъны яшырып, Яманлыкъны гьюрметлей. Гьажгъа баргъанлар арта, Тек кемимей пасат иш Уялмай юрюш эте Халкъ арада уьят иш. С айлавлар ювукъ болса Юртумада бир гьал тува, Халкъны айланышына Жиргенердей мал-тувар. Бирлер отлугъун якълай, Яшлар къартлагъа гьаплай Сайлав бите юртлулар Герти депутат тапмай. Сайлангъан депутат да, Дагъы юртда гёрюнмей. Энниги нечик юрюр. Къазанышлар сюрюнмей. Тарта бара ямангъа, Арта бара къыйынлар. Токъалаша айлана Халкъ булангъы жыйынлар. Къазаныш палан юрт деп, Яза бола газетчи, Юртну къоруп сакълама Герек гьали гёзетчи. Юртну ерлерин сатма Биревлер чола къура Алими кёп Къазаныш Авлия бола тура. Тарихлерде айтылгъан Юрт аза, юрт таптала, Оьзюн гесме биленген Балталагъа сап сала. Къазанышлы алимлер Билдирив иле бола. Вечерлер оьтгермеге, Юртуна геле бола. Юртуна геле бола Ишинде оьр болгъанлар, Гьакимлик ябушувда Гёрмекли тёр алгъанлар. Олар булан янаша Халкъ шаирлер де бола. Гьакимлени макътама Белсенип къалгъан олар. Белсенген тиллерибиз, Такрарлама ялгъанны Гьали билмеге къыйын, Юртгъа питне салгъанны. Гьали билмеге къыйын Не берир тангалабыз. Яшавлукъ шартлар оьлген Ерлеге саналабыз. Тарлавлагъа от битген, Тавгъа чыгъмай къоюбуз. Кюстюнеген де йимик Оькюреген тоюбуз. Семирмей къылыгъыбыз, Аза хасиятыбыз, Очарлагъа айлана Къайгъы тазиятыбыз. Къартларыбыз къажыгъан, Жагьиллени иши ёкъ, Йыгъылгъан юртубузну Тургъузмагъа гиши ёкъ. Гелигиз юртлуларым Аякъ уьстге турайыкъ, Ятларда сукъланардай Яшавубуз къурайыкъ. Алгъа багъып юрююк Бурулмай артыбызгъа Яхшы болагъан затны Этейик юртубузгъа. Орамлагъа тёкмейик Уьйдеги насыбызны, Эки якъдагъы юртлар Эшитсин харсыбызны. Бир биревге гьапламай, Бир биревню аяйыкъ, Пис ойлардан къачайыкъ, Яманлыкъдан таяйыкъ. Магъа болсун деп турмай, Болсун деп гьарибизге, Ювукълагъа бергенни Берейик арибизге. Бир биревню гюллемей, Болатдай бирлешейик Яшав деген гемеде Мекенли ерлешейик. Кёмек тарыкъгъа – кемек, Етимни тойдурайыкъ. Юртну бай этмек учун Мекенли ой къурайыкъ. Арек этмейик бизден Аллагь берген талайны, Берекетли этейик Карантайны, Камайны. Къоллайыкъ гьар къарышны, Байтерекни, Гёкгезню, Магьрюм къалып турмайыкъ Натижасындан гюзню. Ташбашны ташламайыкъ, Къоллайыкъ къотанланы, Саякъ, севрюк юрюшден, Арчуюкъ олтанланы. Иш булан макътанайыкъ Ойлашайыкъ баш булан Гележегине юртну Атышмайыкъ таш булан. Оьтеген болсун балагь Бизин юртну танымай, Гьар къазанышлы сюйсюн, Юртун заз жаныдай. Шолай этсек юртдан биз, Пакъырлыкъны ёарбыз, Гележек наслулагъа, Берекетни къоярбыз. Гележек наслу артгъа Къаражакъ енг гёз булан, Эсгерилген гьар заман Бизин яхшы сёз булан Эгер бугюн биз юртну Тургъузмасакъ аякъгъа, Инжинербиз къабурда, Олар атгъан таякъгъа. Ильмутдин-Гьажи Мурадов 1997 йыл. Тёбен Къазаныш | |
| Категория: Актуальное | Просмотров: 758 | Добавил: kazanise | Рейтинг: 5.0/3 | | |
| Всего комментариев: 0 | |