Буйнакск районну Тёбен Къазаныш юртундан тюрлю-тюрлю тармакъланы алдынлы адамлары кёп чыкъгъан. Асадулла Агьматович Хажаев шолайланы бириси. Ол 1927-нчи йылда Агьматны ва Аминатны агьлюсюнде тувгъан. 7 йыл битгенде юрт-дагъы орта школагъа тюшген, 8-нчи класны битдирген сонг мундагьы колхозда арбачы болуп ишлемеге башлагъан. Асадулланы агъасы Магьаммат дав майданда жан берген, жан берген, ону дагъы да Сулижат, Ухуржат, Мажидат деп уьч къызардашы да болгъан. Орта школаны шо замангы директору, белгили шаир ва ярыкъ-ландырывчу Наби Ханмурзаев охувгъа пагьмусу булангъы Асадулла колхоз ишге юрюйгенин ушатмай, охувун давам этгенни сюе. Ол оьзюню пикрусун колхозну председатели Абсейит Байрамовгъа айта. Ол да Асадулланы оьзюню янына чакъыра ва ол школада охувун да-вам этме герекни гьакъында айта.

Асадулла огъар тынглай. Охумагъа башлай. 9-нчу класда охуйгъан-да ону школаны комсомол къурумуну секретары этип сайлай. 1946-нчы йыл орта школаны оьр къыйматлагъа битдирип, Дагъыстан медицина институтгъа тюше. Биринчи семейстрни экзаменлерин бешлеге бере. Тек нетерсен, ону юреги шо касбуну ушатмай. Иылны ортасында институтдан тая, юртдагьы колхозгъа къайта, усталаны бригадасында ишлей. Усталар Асадулланы бажарывлулугъуна къарап гьайран бола, ондан яхшы инженер болажагъын англай ва охувун узатмакъны таклиф эте. Школаны директору Наби Ханмурзаев Асадулланы школагъа чакъыра, яхшы охуйгъан уьч яшны Ленинграддагъы горный-инженер институтгъа йибермеге гереклиги гьакьында КПСС-ни Дагъыстан обкомундан гелген кагъыз барлыгъын айта. 1947-нчи йыл Асадулла.Хажаев, Насрутдин Мегьтиев, Закарья Магьамматов Ленинграддагъы шо институтгъа тюше. Асадулла Хажаев институтда охуйгъан йылларында жамият ишлерде актив кюй-де ортакъчылыкъ эте, Ленин-чи стипендия алып охуй. 1953-нчю йыл ол институтну къызыл дипломгъа битдире, горный инженер болуп чыгъа. Яш специалистни Сибирге, алтын чыгъарылагъан рудниклеге инженер этип йиберелер. Шонда ол эки йыл ишлей.

Бажарывлу специалист гьисапда ону Украинагъа, Кировоград областдагъы атом рудниклени управлениесине йибере. Башлап ол смежный инжсисп участканы начальниги, управлениени баш инженери болуп чалыша. Сонг Кировоград атом рудниклени управлениесини начальниги болуп ишлей. Загьматдагъы уьстюн-люклери учун ону 1958-нчи йыл Загьмат Къызыл Бай-ракъ орден булан савгъатлай, шо йыл Украинаны Оьр Со-ветипе депутат этилнп де сай-лана. Сонг ону Макътавлукъ ордени булан савгъатлай, КПСС-ни 19-нчу партия съездине делегат этип йибере. 1967-нчи йыл аспирантураны заочно битдирип, техника илмуланы кандидаты деген атгъа ее бола. Гьар не ишни де оьр даражада кютме бажарагъан гьаракатчы специалист 1970-нчи йыл Ленин орден булан савгъатлана, КПСС-ни Кировоград обкомуну бюросуну члени, Кировоград областны Оьр Советине депутатлыкъгъа бир нече керенлер сайлана, гьатта шо областны Оьр Советини Президиумуну члени де бола. Асадулла Хажаев СССР-ни атомщиклерини арасын-да оьр даражада абур къазана, Украинаны халкъына да ону аты белгили бола. Сонггъу йылларда Асадулла ата юрту Тёбен Къазанышгъа гьар йыл отпускагъа геле эди, оьзю яшда ойнагъан, гезеген ерлеге бармагъа кёп сюе эди. 1972-нчи йыл отпускагъа юртгъа гелгенде ону "Волга" машини бар эди, Асадулла мени оьзюню янында олтуртду. Шонда мен: "Белгили пачалыкъ чалышывчу Асадулла Агьматович Хажаев загьматда уллу уьстюнлюклеге етишгени учун Украинаны гьукуматыны янындан "Волга" машин булан савгъатлангьан", — деген сёзлени охудум.

1973-нчю йыл Асадулла ата юртуна гелгенде къардашы Гьажи Ильясовгъа къар-къарасы атомну радиациясындан зараллангъанын, авур аврувгъа тарыгъанын айтгъан. Шондан сонг ол эки йыл яшады. Украинаны о замангъы пачалыкъ ёлбашчылары ону сав этмек учун башгъа пачалыкълагъа йибермеге сюйсе де, Асадулла ону гери ура. 1975-нчи йыл ол Магьачкъалагъа отпускагъа геле, оьле бусам, оьз Ватанымда оьлейим деп ойлаша ва отпускасы битгинче оьлме де оьле. Асадулла Агьматовични Къазанышны къабурларына гёмегенде кёп халкъ жыйылгъан эди. Украинаны лап оьр даражадагъы партия къуллукъчулары, Дагъыстанны ёлбашчылары да шонда ортакъчылыкъ этдн. Украинаны гьукуматы огъар уллу мармар ташдан эсделик салды. Ондан къалгъан эки къыз бар. Олар гьали экиси де Москвада яшай. Илму-ахтарыв ишлерде ишлей.

                                                                  Магьмут  Гьажиев. Тёбенкъазаныш.