Тетакъай гьажиге изну берген Абдурагьман сугъури.Тетакъай гьажи халкъгъа къуллукъ берип юрюген. Ол Оьтемишде гёмюлген , 17 шайыхны зияратына кеп бара болгъан. Бир керен Тетакъай гьажи Оьтемиш шайыхлагъа баргъан да, гече кёп халкъ жыйылгъан  халбат уьйлер толгъан болгъан.Тетакъай гьажи буса, халкъ кёп саялы, эшик алда олтургъан. Уллу хан бабаны якъчылары уьйню тёр  янында олтургъан. Адамлар Уллу Хан бабаны соравларына шу Тетакъай гьажи де жавап бере деп айтгъан.Сонг, тёрде олтургъан шайыхлар, Тетакъай гьажиге: " Гьей Тетакъай гьажи, сагъа къуллукъ бермеге шайыхлардан изну кагъыз  бармы ?" - деп айтгъанлар. Сонг Тетакъай гьажи, башын гётерип, олагъа: " Сизге не кагъыз  тарыкъ, бюгюн мен къарасам, магъа къарамайгъан шайых ёкъ", - деп айтгъан. Сонг халкъгъа уллу гьал гелип, зикру этме башлагъанлар. Эртен болгъунча зикру токътамай юрюп тургъан. Адамланы гёлеклери сув болуп,  къыргъа чыгъып, сыгъып гёлеклеин къайтарып  гийип, зикру эте болгъанлар.
       Тетакъай гьажи  яяв  аякъдан юрюп етти керен гьажгъа баргъан. Огъар бирдагъы шайых  Сайит устаз Авагьали изну берген болгъан. Тетакъай гьажи Тёбенжюнгютейде , Буйнакскийге барагъан якъдагъы кьабурлагъа гёмюлген.