АБАЙНЫ АЛГЬЫШЫ

Уллу боюн да алып
Тюкенге бара Абай.
Уьйден де чыкъмас эди
Уьзюрю буса ярай.

Тюкенни ал бетинде
Топ ойнай къатарбашлар.
Олар тепген топ учуп
Абайгьа тийди, ташдай.

Гьалсыз ерге йыгьылгъан
Абай авур кюстюне.
Оюну къызгьан яшлар
Бири бармай уьстюне.

Учуп барып Абайгьа
Турмагъа кёмек этдим.
Уьстюн-боюн тазалап
Тюкенге ювукъ этдим.

Къолтугъундан бек тутуп
Тюкенге алып гирдим.
Алъякъда эс этмеген
Кёп тамашалар гёрдюм.

Абай акъча узатып -
Бир аш бер, балам, - деди.
Сатывчу бет къызартып -
Етишмей акъчанг, - деди.

Абай гьисапны онча
Билмейгенни англадым.
Бек арив етише деп
Къайтарышын да алдым

Тюкенчи къатын шонда
Къашын тююп къарады.
Мени къарсалагъаным
Къапасгъа чы ёрады

Акъчасын да тутдуруп
Абайны ёлгъа салдым.
Уьюне элтип, арты
Битмес алгъышын алдым.

             НАМАЗ

Аллагьыбыз борч этген
Беш намаз къылма гюнде.
Намазланы да къылып,
Яшама гьалал кюйде.

Гьарисин заманында
Къылма герек оланы.
Борчундан къутулмайлы,
Аш хапма да боламы?!

Намаз къылып олтурсанг,
Парахат бола юрек.
Биз шунда къонакъларбыз,
Унутмай турма герек.

Тек илбисден сакъ болма
Гьаман да биз герекбиз.
Шолай юрюп бажарсакъ,
Жагьаннемден арекбиз.

Этген яхшы амалынг
Бары затдан озажакъ.
Инбашда малайиклер
Бирин къоймай язажакъ.

        КЪЫЗАРДАШЫМА

Уллу къызардашым бар
Асият ону аты.
Бар халкъгъа иржаягъан
Бар ону хасияты.

Булакъ сув йимик таза
Юреги Асиятны.
Къасткъыламан англама
Ол этген насигьатны.

Сени бир иржайывунг
Шавлалай сав дюньяны.
Къушлар да шат чарнайлар
Билеген йимик жаны.

Сен мени кёп янымны
Алгьа алып юрюйсен.
Аявлу къызардашым,
 Юрегимни нюрюсен.

Патимат Адильгерева ученица
литературно-творческого отделения
Н-Казанищенской школы искусств

УЛЛАТА

Уллата, асил ата
Оьтесиз тарыкъ бизге.
Яшавсынаву да кёп,
Оьзю де пасигь сёзге.

Янына гьар баргьанда
Вере бизге насигьат.
Эпсиз сююне бизден
Гюн чыкъгьандай бола шат.

Эгер де болмай, къалсакъ
Сени уьстюнге етип,
Ошгъуп - солуп гелесен
Бизин гёрме къаст этип.

Сен айтгъанны алмасакъ
Гьёкюнербиз биз артда
Бизге кёпню уьйретген
Уллатадыр, уллата.

ХОНШУЛАР

Багьышлайман шиърумну
Ювукъ-арек хоншума.
Татывлу турагьаныкъ
Геле мени хошума.

Хоншуларым, хоншулар
Яхшы биринден-бири.

Намаз къылып олтурсанг,
Парахат бола юрек.
Кёмекге табулалар
Бири-биринден тири.

Шатлы гюнлер гелгенде
Артдыралар шатлыкъны.
Къыйынлар гелип къопса
Бёле бар пашманлыкъны.

Арекдегй къардашдан
Ювукъ бир хоншу яхшы.
Хоншуда яхшы бола
Барлар гьакъыллы башы.

СЮЕМЕН

Халкъымны кёп сюемен,
О гьакъда ойлашаман.
Халкъым болмагьан ерде
Гьеч бир гюн деяшаман.

Мен билсем адам тува,
Этме халкъына къуллукъ.
Ону гьайын этмесем
Бола менден не къумукъ?

Халкъым булан оьр болма,
Ихтиярым, гьакъым бар.
Халкъым булан оьсмеге
Юрегимде къастым бар.

ЖАМИЛЯГЪА

Ахшам къабакъ алдаман,
Бир къыз гелди яныма.
Атын айтып танышды,
Гирип къалды жаныма.

Шагьардан мен гелгенмен,
Юрт яшавну гёрмеге.
Сюе эдим бир-эки
Суалларымбермеге.

Кёп танышлыкълар бола
Аякъ уьстде, орамда.
Сонг аста унутулуп
Къала аччы борандай.

Амма бутанышлыгъым
Айланды къурдашлыкъгьа.
Къурдашлыкъ кюрчю болуп
Токътады сырдашлыкъгъа.

Адабият Ибрагимова ученица
литературно-творческого отделения
школы искусств с.Н-Казанище

                                             Атама

Яшавну маънасын мен                     Яшавну гьар дынкъларын
Атам айтып англайман.                   Эсгересен сен магьа.
Ону гьар-бир сёзюне                        Кёп затны уьйретмеге
Къулакъасып тынглайман.               Кёп оьмюр берсин сагьа.

Бир де эшитмежекбиз,                     Сени булан оьктембиз,
Пайдасыз лакъыр этип.                    Сен бар чакъы биз барбыз.
Гелген гиши де болмай,                   Сен бар чакъы дюньяда,
Лакъырын бёлюп гетип.                   Биз насипли боларбыз.

                                                            Гёнгюнг алма бажарсам,
                                                            Юрегим бола рагьат.
                                                            Шу сёзлени язагьан
                                                            Къьзынг сени - Патимат.

              Къылыкълы болма герек

Дюньяда яшагъан сонг.         
Къылыкълы болма герек.      
Ахыратын ойлашып.             
Тилин сакълама герек.            

      Халкъны башын сёйлемей,  
      Бирлер очарлар этип,           
      Шоланы гюнагььны             
      Болмай артындан етип.         

Оьзлени гёзюндеги
Аркъалыкъны гёрмейлер.
Гишини гёзюндеги                          
Чёпге гьеч ёл бермейлер.

       Халкъны сёйлеп, гюнагьын
       Сыртыгъызгъа юклейсиз,
       Аллагьны алдында сиз
       Не деп жавап берерсиз?

Гьейлер, бир де къоркъмайлар
Ёкъну айтып юрюме.
Бу дюньягъа алданып,
Чархын отда гюйдюрме.

                                        Патимат Адильгерева
                         Литературно-творческий кружок
                      Школа искусств с.Н-Казанище. 2009 г