| Главная » Муниципалитет » Поэтический блок |
| В категории материалов: 21 Показано материалов: 21-21 |
Страницы: « 1 2 3 |
|
Узакъ яй гюн яллавда бичен чалып,
Сав гюн сабан сюрген оьгюздей талып,
Бир бай кес оьзюню ялчысы булан,
Уьйге ёлну къысгьартма къуруп план,
Ормандан юрюйлер юртуна багьып. ...
..Ма, Аюв шо байны тутмасмы къагъып.
Гьав-агьа гётерип жабаргъа ташлай.
Сыртында олтуруп, лабарын салып,
Созма семиз ерин излеме башлай,
Байны ол гьар ерин ийислеп алып.
Бай ярда къалгъан яшдай акъыра,
Ялчысын ол кёмек этме чакъыра:
- Бир амал, балам! - деп ялбарып тилей.
Ялчы адагъандай нетерин билмей.
- Неге къарагъансан къатып арекде,
Белингде сугьулуп бир залим балтанг,
Я бар чы къолунгда сени сенек де,
Бек къоччакъ гиши чи я сени атанг...
Нетесен къарап, сенек булан чанчмайлы,
Балта булан уруп башын чачмайлы.
- Нетейим, эсгере атам чакъ-чакъда,
Уплатам тюшген шулай гьал гьакъда.
Эливаш, къоркъаман болардан хатам,
Къой, гёрмейим гёргенлени уллатам:
Уплатам Аювгъа сенек де чанчгъан,
Балта булан уруп башын да чачгъан.
Сен айтгъанлай, алгъасап этип гьайын,
Уллатам къутултгъан шо гьалдан байын.
Лайыкълы савболгъа-баракаллагъа,
Къара чы, уллатам тюшген гьаллагьа:
Уллатабыз сёгюшювге тутулгъан,
Булай башлай бай оьлюмден къутулгъан:
«Гьай, дувадакъ, сююнесен несине,
Мен рази деп геле бугьай эсинге!
Мунча багьа териге сен нетгенсен,
Къара, гьайгев, нече тешик этгенсен?
Багьа затгъа я шу гьалны саламы?
Энни муну о багьа! ъа аламы?»
Бетлеп-бетлеп бир гюнагьсыз хатасын,
Сёкме башлай гьатта етти атасын.
Шулай тийген ону тазза ягьына.
- Битдир, къой! - деп ювукъ баргьан ягьына.
Бай бирден-бир яман сёкген, урушгъан,
Уллатабыз чыдап болмай тутушгъан.
Къаммакъ йимик алып ону ерге ургъан,
Тутуп бувуп, парахат этип тургьан...
Къайтгъан сонг кёп йыллар туруп Сибирде,
Ачгъа бакъа ва ит ашайгьан ерде,
Уллатам айта болгьан атама:
«Шо гюн-бугюн гьёкюнчлюмен «хатама».
Тавакаллыкъ этип, оьлюмге барып,
Нетедим, огь, нажжасны къутгъарып,
Гетди, хужу, оьмюрюм негьакъ зая.
Сен сама да, къулум, оьзюнгню ая».
Уллатабыз этген шулай васият,
Васиятны кютмек асил хасият,
Юрююм уллатам айтгьан ёлдан...
М-Ш.Минатуллаев |
