| Главная » Муниципалитет » Поэтический блок |
| В категории материалов: 21 Показано материалов: 1-10 |
Страницы: 1 2 3 » |
|
Юртгъа гьаким болмагьа, Бек къаст этип айлана, Юртгъа пайдасы ёкълар Бир токътавсуз сайлана. Юрт халкъым акъча берсе, Ким тюшседе разилер, Акъчагъа сатылгъанлагъа, Салма яхшы гьарзилер. Къазанышда бар эди, Учь-дерт ерде фермасы. Юртума шу гьал салгъаны, Тезерокъ Аллагь алсын. Гьар авулда бар эди, Сувлары булагъында. Юртгъа шу гьал салгъанны, Аллагь алсын чагъында. Оьгюз арбалар булан, Чакъа тёге эди алда, Техника артгъан сайын, Орамлар бузукъ гьалда. Гьалиги орамланы, Гёрме гиши ярамай. Артда тюшген гьакимлер, Орамлагъа къарамай. Орамлар негер тарыкъ Сатма авлакълар бар туруп, Гьар авулдагъы булакълар, Бара бары да къуруп. Бир машин сувну сата, 5-6 юз манатдан. Къутуларму экен халкъым: Шулай бузукъ адатдан. Не этседе пайда ёкъ, Адаршай бу барышгъа, Гьали бир абурда ёкъ Не уллугъа, не яшгъа, Алда гьаким болгъанлар, Киселерин толтургъан, Гъали олар бары да, Депутат болуп олтургъан. Юртну дерт де янында, Тёбе-тёбе полукълар, Юртгъа гьаким сайлана, Халкъгъа пайдасы ёкълар Шулай гьалиги барыш , Не этседе пайда ёкъ, Болгъан-болгъан гьакимни, Барыны да къурсагъы токъ. Гьаким болмагъа сююп, Акъча берип сайлана, Акъча берген адамгъа, Авлакълар да пайлана. Шо саялы тюгюлму, Бары авлакълар бошагъан. Шу барышны герседе, Гьаким ёкъ ойлашагъан. Ойлаша олар барыда, Оьзюню кисеси учун, Тюшеген-тюшеген гьаким, Урлама сала гючюн. Шо урлагъан гюч булан, Оьр думагъа сайлана Барыда бав - бахчалар, Акъча берсе пайлана. Битдиремен сезюмню, Шулай дертлюклер булан, Шу сёзлени язагъан. Къазанышлы бир улан. Максудов Абдулгамид Тёбен Къазаныш 2006 йыл. |
|
Къазанышым уллу юрт, Дагъыcтан юртларындан, Ичсе тойма болмайгъан, Сувукъгъа сувларындан. Къазанышны алдында, Уллу Кавказ тавлары, Гирсе чыкъма сюймейген, Уллу емиш бавлары. Къазанышым йыл сайын, Уллу бола тюрлене, Уланлары къызлары, Билим ала оьрлене. Къазанышым гёзелимсен-гезюмсен, Ёкъдур сагъа тенглешдирме гъеч ерин. Йыл тюзелип сувдан тойса авлакълар, Сен бере эдинг пачалыкъгъа кёп гелим. Абдулгамид Максудов 2006 йыл. |
| ||||
|
Сагьынаман къынгыр-айланч орамым, Ата юртну сагьынч магьа чангы да. Курорт йимик агъачлыгъым, орманым, Йыбав-тойдай кьуш къавумну анты да. «Къара оьзеним», «Акъ оьзеним», «Инчем» де Чабакъ тутуп, ял алагьан язларда, Сагьынч гьисим оьрчюкдюре ичимде, Шогьар шагьат къазанышлы къызлар да. «Покълу талам» -берекетни бежени Сююндюрмей, чачылмагьан, от битген. Токълу талам болгьан авлакъ эжелден Сюрюлмеген, сабанына тот битген. Шагьар геле уллу абатлап юртума, Емиш бавлар биналагьа айлана. Бу барышны кьыйын чыкъма артына, Юртну башы топуракъ сатып сайлана. Орамларым, орманларым сатылгъан, Оьзенлеге телтегенек тартылгьан, Алда йимик кёллер де ёкъ киринме, Ким этежек о кёллени эринмей?! Сагъынч оьтюп гелсем ата юртума, Сагъьнчларым сёне, дёне гьёкюнчге. Жагьил - ишсиз, абур да ёкъ къартыма, Айт, не ёл бар къаршы турма бу гючге? Сатгьан, битген, авлакъларым талангьан, Гючю чатгъан тутгьан ломай ерлени, Топуракъсыз къалгъан халкъым алдангьан Бир бошамай айыплайлар «оьрлени». «Оьрлер» тюгюл, топуракъны сатдыргьан, Ерли гьакимлер ярамагьы «оьрлеге», Топуракъ булан халкъын сатма гьазирлер Чыкьмакъ учун олар оьрге, тёрлеге. «Топуракъсыз халкъ болмай» дей, о герти! Топуракъ гетсе, халкъ тозулар, халкъ гетер... Ким англажакъ миллетимни бу дертин, Къумугъумну гьайын бугюн ким этер?! Жават Закавов |
|
Ойлай туруп, билмей къалдым, гёрмедим - Салам берип, къол узатгьан агьавну. Сонг сесгеннп, мен шоссагьат таныдым Тезден берли къаравулчу Дадавну. Алгьасама, Дадав агьав, гет деме. Бек тилеймен магъа шекли къарама . Урламайман яшда йимик емишлер, Мунда неге гелдинг деп сен сорама. Мен гелгенмен арек гетип яшлыгъым, Уллу болдум, егилген сонг яшавгъа. Урлайгъандай яшда мунда емишлер, Урлатгъанман яшлыгъымны шу бавгъа. Маматав Ибрагимов |
|
Он йыл алда, биз охуйгъан заманда Бир терекни экибизде аявлап, Йыллар гетди... Ахыр зенглер къагъылды Маматав Ибрагимов |
|
|
(Мавлет учун)
|
|
(И. А. Крыловгьа гёре) Гьакимлени гьакъында Гелеген арзаланы, Пача гьар охугъанда Гете бек къазапланып. Алдыналма оланы Тарыкъ гьакъда ойлаша. Уьлкесинден айланыл, Гьалны билме токъташа. ...Да-ав деп яллайгъан отгъа, Салып зор чоюн тава, Балыкъланы къызарма Ташлай бирев бир гьава. Олар ачып жанындан, Атылалар оьр-оьрге Шо вакъти пача Арслан, Гелип къала бу ерге. Арсланкъаплан бек гьайран Болуп тикленип къарай, Къарсалап: - Гьей, сен кимсен? Я нетесен? - деп сорай. - Пача, авурунг алайым, Дей ол адап-адашып, Менменчи шуякъдагъы Бары сувланы башы. Булар ерли башчылар, -Дей таваны гёрсетип, -Гелегенинг эшитип, Жыйылгьанбыз иш этип. - Буса, яшав нечикдир? Баймы бу якъ? - деп сорай, Мундаяшайгъанлагъа - Женнетде деме ярай. Гьар намазны артындан Сагьа оьмюр тилейбиз. Сен болмагъан бусанг, биз Нетер эдик билмейбиз. Пача эслей балыкълар Бирден-бир бек талаша. Болуп яшдай тамаша Башчыгъа сорай пача: - Олар башын-къуйругъун Неге бек силлей онча? - О гьакъыл тёбе пача! - Гелгенингден къуванып, Англата болмайгъанын Сенден гьеч тоюп-къанып, Пача тазза генене, Бийивге къарай гене . Алып башчыны къолун, Пача узата ёлун. |
|
(И. А. Крыловгьа гёре) Йыракъ сапардан къайтгъанда бир бай, Яяв къыдыратуруп авлакъда, Тазза къопдуруп, шишдирип шардай, Бир ювугъуна булай хабарлай: - Дагьы гёрмесмен онда гёргенни! Сиз яшайгъан ер ерми айт энни? Язда бишесен, къышда уьшюйсен, Онда женнетде йимик яшайсан. Не тон, не чыракъ тюгюл гьеч тарыкъ, Ахшам-гече ёкъ, даим яп-ярыкъ. Уллулеззет,ёкъ Гюнден къачагъан, Бирев ёкъ бир зат сама чачагъан. Не де гёрмессен зат гёмегенни, Тек гёргей эдинг не оьсегенни! Римде мен гёрген не хыяр эди! Вая, гьейлер, уьй чакъы бар эди. -О тамашамы! -деген танышы, Кюлкюсюн сакълап, алмай тынышын. Гьайран затлар кёп Ерни юзюнде Оланы гёрмей кимни гёзю де. Зор гьайранлыкъны гьали гёрерсен, Къарайыкъ, нечик багьа берерсен. Шо-о кёпюр салгъан оьтме оьзенден, Кеплер къоркъагъан оьтме оьзюнден, Себеби десенг гьайран сырында, Чыкъма оьзенни сайлай бары да, Чечинип югюн салып сыртына. Ялгъанчы тайпа айра тартына: Орта боюна гьаран етелер, Кеплер оюлуп,тюшюп гетелер, Гьалиден,айтма,дёрт-6еш ай тезде, Шулай иш болду къалагьан эсде Достум, айтаман бир ишни болгъан: (Сорап къарарсан дюр буса ялгъан). Шондан тюкенчи ва эки гьаким Тюшюп оьлгенни биле гьар бир ким. Ялгъаны ёкъ гиши парахат оьте, Машин булан да тах уруп гете. - Я алгъасайман, онда нетейим, Чечинип сувдан чыгъып гетейим. * * * * Яшав сынавдан дюр бизге ачыкъ: Ялгъанчы бола эпсиз макътанчыкъ. |
